Futbol üzrə Azərbaycan Premyer Liqasında V tura yekun vurulub.
Modern.az xəbər verir ki, bağlanış matçında “Qarabağ” “Səbail”in qonağı olub.
Qarşılaşma meydan sahiblərinin qələbəsi ilə başa çatıb - 2:1.
Hesabı üçüncü dəqiqədə qonaq komandanın heyətində Hamidu Keyta açıb. Lakin Aleksandre Ramalinqomun dublu Bayıl təmsilçisinə qələbə qazandırıb. Madaqaskarlı futbolçu 17 və 42-ci dəqiqələrdə fərqlənib.
Bu nəticədən sonra xallarını yeddiyə çatdıran “Səbail” altıncı pilləyə yüksəlib. Eyni xala malik “Qarabağ” beşincidir.
