Futbol üzrə Azərbaycan Premyer Liqasında VIII turun növbəti oyunu keçirilib.
Modern.az xəbər verir ki, "Sabah" komandası "ASCO Arena"da "Səbail"lə üz-üzə gəlib. Qarşılaşmada qalib müəyyənləşməyib - 2:2.
Hesabı 29-cu dəqiqədə meydan sahibləri açıblar. Yusif Nəbiyev adını tabloya yazdırıb. Qonaqlar 41-ci dəqiqədə Emmanuel Apehin penaltidən vurduğu qolla tarazlığı bərpa ediblər. 84-cü dəqiqədə Anatoli Nuriyev "Sabah"ı hesabda önə keçirib. Cəmi üç dəqiqə sonra isə "dənizçilər"in heyətində Adi Mahremiç yekun hesabı müəyyənləşdirib.
Bu nəticədən sonra xallarını 14-ə çatdıran "Səbail" üçüncü pillədəki mövqeyini qoruyub. Altı xalı olan "Sabah" isə səkkizinci sırada qalıb.
Qeyd edək ki, turun əvvəlki oyunlarında "Qarabağ" evdə "Sumqayıt"ı 5:0 hesabı ilə darmadağın edib, "Neftçi" isə səfərdə "Turan Tovuz"a qalib gəlib - 1:0.
