Rusiyalı idmançı Anastasiya Sereda 21 yaşında vəfat edib.
Modern.az xəbər verir ki, bu barədə Rusiya Konkisürmə İttifaqı teleqram kanalında məlumat yayıb.
İdmançının şəxsi məşqçisi TASS-a bildirib ki, Anastasiya Sereda ölümündən 1 ay əvvəl Ufada yoluxucu xəstəlikdən müalicə üçün xəstəxanaya yerləşdirilib.
Anastasiya Sereda 30 mart 2003-cü ildə anadan olub. Yarışlarda o, Sankt-Peterburq və Mordoviyanı təmsil edib. 2019-cu ildə idmançı Rusiyada ilk altılığa daxil oldu. 2022-ci ildə estafet komandasının tərkibində Rusiya Kubokunu qazanıb.
