Modern.az

AFFA Santuşla “3+1” illik müqavilə BAĞLADI

AFFA Santuşla “3+1” illik müqavilə BAĞLADI

13 İyun 2024, 12:22

Bu gün Azərbaycan milli komandasının yeni baş məşqçisi Fernandu Santuşun təqdimat mərasimi keçirilib.

Modern.az xəbər verir ki, təqdimat mərasimində F.Santuşla yanaşı AFFA-nın icraçı-vitse prezidenti Sərxan Hacıyev də iştirak edib.

Təqdimat mərasimində bildirlib ki, AFFA rəhbərliyi Azərbaycan milli komandasının yeni baş məşqçisi Fernandu Santuşla "3+1" illik müqavilə bağlayıb.

AFFA-nın icraçı-vitse prezidenti Sərxan Hacıyev müqavilənin bəzi hissələrini açıqlaya bilməyəcəklərini deyib.

S.Hacıyev 69 yaşlı mütəxəssisin Polşa millisindən və Türkiyənin "Beşiktaş" klubundan təzminat alaraq ayrılmasına da münasibət bildirib:

"Bilmədiyimiz səbəblərə görə qərar vermək düzgün deyil. Məşqçinin ayrılması normaldır. Bizimlə müqaviləsi 3+1 illikdir. Təzminat və maddi məsələləri açıqlaya bilmərik".

Xatırladaq ki, portuqaliyalı 69 yaşlı F.Santuş dünən Azərbaycan milli komandasının baş məşqçisi təyin edilib.

Instagram
Gündəmdən xəbəriniz olsun!
Keçid et
Vaşinqtonda Azərbaycanla Ermənistan arasında kritik görüş - Razılıq var