Almaniyada keçirilən futbol üzrə Avropa çempionatının 1/8 final mərhələsi çərçivəsində Avstriya və Türkiyə milli komandaları üz-üzə gəlib.
Modern.az xəbər verir ki, gərgin şəraitdə keçən qarşılaşmada “ay ulduzlular” rəqiblərindən üstün olublar – 1:2.
Qarşılaşmada hesab ilk dəqiqədə açılıb. Künc zərbəsindən sonra yaranan qarışıqlıqdan Merih Demirel istifadə edərək hesabı açıb.
Oyunun 59-cu dəqiqəsində isə Arda Gülərin künc zərbəsindən yerinə yetirdiyi ötürmədən sonra Merih Demirel özünün və komandasının ikinci qoluna imza atıb.
Avstriya millisinin təsəlli qolunu oyunun 66-cı dəqiqəsində Mixael Qreqoriç vurub.
Bununla da Türkiyə milli komandası Avropa çempionatının ¼ final mərhələsinə yüksəlib.
***
00:05
Almaniyada keçirilən futbol üzrə Avropa çempionatında Avstriya və Türkiyə yığmaları arasında 1/8 final görüşündə ikinci hissə başlayıb.
Modern.az xəbər verir ki, Leyptsiqdəki "Red Bull Arena"da "ay-ulduzlular" hesabda öndədirlər - 1:0.
1-ci dəqiqədə Merih Demiral fərqlənib.
***
23:55
Almaniyada keçirilən Avropa çempionatının 1/8 final mərhələsində üz-üzə gələn Avstriya və Türkiyə yığmaları arasındakı oyunda birinci hissə başa çatıb.
Modern.az xəbər verir ki, ilk yarıdan sonra Türkiyə millisi 1:0 hesabı ilə qalib gəlir.
Qarşılaşmanın 1-ci dəqiqəsində Türkiyənin heyətində Merih Dəmiral komandasını önə keçirib.
Görüşü portuqaliyalı hakim Artur Diaş idarə edir.
***
23:02
Almaniyada keçirilən Avropa çempionatının 1/8 final mərhələsində üz-üzə gələn Avstriya və Türkiyə yığmaları arasında oyun başlayıb.
Modern.az xəbər verir ki, qarşılaşma Bakı vaxtı ilə saat 23:00-da start götürüb.
Görüşü portuqaliyalı hakim Artur Diaş idarə edir.
