Yarışda medal qazanacağıma çox ümidli idim.
Modern.az xəbər verir ki, bu sözləri "Paris-2024" Yay Olimpiya Oyunlarında çıxışını başa vuran kamandan oxatma üzrə Azərbaycan millisinin üzvü Yaylagül Ramazanova deyib.
İdmançı turnirə yaxşı hazırlaşdığını söyləyib: "Gündə iki dəfə məşq edirdim. Təəssüf ki, medalsız qayıdacağam. Buna baxmayaq, mənim üçün yaxşı təcrübə oldu. Növbəti Olimpiadada mükafatçılar sırasında olacağıma ümid edirəm”.
Qeyd edək ki, Yaylagül Ramazanova 1/32 finalda çinli An Qixuana qalib gəlməsinə baxmayaraq, növbəti raundda almaniyalı Mişel Kroppenə məğlub olaraq turnirlə vidalaşıb.
