Parisdə keçirilən Yay Paralimpiya Oyunlarında qızıl medal qazanan Lamiyə Vəliyevanın atası Rövşən Vəliyev təşəkkür paylaşımı edib.
Modern.az xəbər verir ki, paylaşında deyilir.
“Lamiyənin Parisdə qazandığı uğura görə çoxlu təbriklər alırıq. Bu təbriklər Lamiyənin ailəsi olaraq tək bizə deyil, bütün Azərbaycana ünvanlanıb.
Lamiyə Azərbaycanı sevdiyi qədər Azərbaycan da onunla qürur duydu, sevdi. Bu, bizi sevindirir, Lamiyəni isə qələbələrinin davamlı olması üçün ruhlandırır.
Birinci vitse-prezident Mehriban xanım Əliyevanın Lamiyəyə ünvanlanan təbriki isə bizi daha çox qürürlandırdı və sevincimiz ikiqat artırdı.
Ailəmiz adından Mehriban xanım Əliyevaya, o cümlədən Azərbaycan dövlətinə və xalqımıza idmançıların əməyinə daim diqqət və qayğı göstərdiklərinə görə minnətdarlıq bildiririk”.
