21 yaşadək futbolçulardan ibarət Azərbaycan millisi Avropa çempionatının seçmə mərhələsində sonuncu oyununa çıxıb.
Modern.az xəbər verir ki, Samir Əliyevin baş məşqçisi olduğu yığma İngiltərə komandası ilə üz-üzə gəlib.
Bristol şəhərində yerləşən “Eşton Qeyt” stadionunda keçirilən görüş rəqibin 7:0 hesablı qələbəsi ilə yekunlaşıb.
Bu nəticədən sonra Azərbaycan seçməsi 3 xalla qrupu 6-cı pillədə başa vurub. İngiltərə yığması isə 25 xalla qrup birincisi olub.
