"Nəticədən məmnun qaldım. Oyunçularım verilən tapşırığı layiqincə yerinə yetirdilər"
Modern.az xəbər verir ki, bu sözləri Niderlandın “Ayaks” komandasının baş məşqçisi Françesko Farioli UEFA Avropa Liqasının əsas mərhələsində Bakıda “Qarabağ”a qalib gəldikləri III tur oyunundan sonra təşkil olunan mətbuat konfransında deyib.
O, "Qarabağ"ın ilk hissədə çox yaxşı oynadığını bildirib: "Onlar birinci hissədə fantastik oynadılar. Oyundan əvvəl də demişdim ki, matç çətin keçəcək. Sadəcə, qırmızı vərəqə görüşün taleyini dəyişdi. Birinci qoldan sonra rahat oynamağa başladıq".
