Ötən gecə UEFA Millətlər Liqasında 2-ci finalçı da müəyyənləşib.
Modern.az xəbər verir ki, Almaniyada təşkil edilən və bir oyundan ibarət olan mərhələnin ikinci yarımfinalında İspaniya ilə Fransa üz-üzə gəlib. “Ştutqart Arena”da keçirilən gərgin və maraqlı görüş İspaniyanın 5:4 hesablı qələbəsi ilə yekunlaşıb. Bununla da İspaniya yığması Millətlər Liqasının finalına adlayıb.
Komanda həlledici matçda Portuqaliya ilə qarşılaşacaq. Portuqaliya ötən gün Almaniyanı məğlub edərək (2:1) finala çıxıb. Yarımfinalın məğlubları isə 3-cü yer uğrunda yarışacaqlar. Hər iki oyun iyunun 8-də keçiriləcək.
5 iyun
Millətlər Liqası, yarımfinal
23:00.İspaniya - Fransa - 5:4
4 iyun
Almaniya - Portuqaliya - 1:2
