Azərbaycanın UEFA Konfrans Liqasındakı təmsilçisi “Araz-Naxçıvan” III təsnifat mərhələsində ilk oyununa çıxıb.
Modern.az xəbər verir ki, Elmar Baxşıyevin baş məşqçisi olduğu komanda Kiprin “Omoniya” kollektivini qəbul edib.
“Liv Bona Dea Arena”da keçirilən görüş rəqibin 4:0 hesablı qələbəsi ilə yekunlaşıb.
Qolları Loizos Loizu ( 2 qol), Evandro və Stefan Yovetiç vurublar.
Qarşılaşmanı Çexiyadan olan hakimlər briqadası idarə edib.
Komandalar arasında cavab görüşü avqustun 14-də Kiprdə təşkil olunacaq.
