“Qurban bayramı günlərində Baytarlıq Xidməti gücləndirilmiş iş rejiminə fəaliyyət göstərəcək”.
Bunu Modern.az-a Kənd Təsərrütafı Nazirliyinin mətbuat xidmətinin rəhbəri Murtuzəli Hacıyev bildirib.
O deyib ki, bütün kəsim məntəqlərinə baytarlıq mütəxəssisləri cəlb olunacaq:
“Bakı və Abşeronun müxtəlif yerlərində qurbanlıq heyvanların satışı təşkil ediləcək. Orada həm sanitar qaydalara riayət olunacaq, həm də baytar həkimlər heyvanların sağlamlığına nəzarət edəcəklər. Qiymətlər də əhali üçün münasib olacaq”.
Qurban bayramında nazirlik tərəfindən təşkil ediləcək kənd təsərrüfatı məhsullarının satış yarmarkasının bir neçə gün davam edəcəyi istisna edilmir.
Gülşən RAUFQIZI
