2021-ci il noyabr ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 16415,9 milyon manat təşkil edib.
Modern.az-ın məlumatına görə, Mərkəzi Bankdan bildirilib ki, ümumi kredit portfelinin 13328,9 milyon manatı və ya 81,2 faizi uzunmüddətli kreditlərin payına düşüb.
Kreditlərin 97,5 faizi banklar, 2,5 faizi isə bank olmayan kredit təşkilatları və kredit ittifaqları tərəfindən verilib.
Ödəmə vaxtı keçmiş kreditlərin məbləği 815,9 milyon manatdır. Bu da ümumi kredit portfelinin 5,0 faizini təşkil edib.
