Son aylar ərzində Azərbaycanın avtomobil bazarında bahalaşma qeydə alınmayıb.
Bunu Modern.az-a açıqlamasında nəqliyyat üzrə ekspert Eldəniz Cəfərov deyib. Onun sözlərinə görə, bu ilin başlanğıcında ötən dövrlə müqayisədə avtomobil bazarında təxminən 2-5 faiz qiymət artımı müşahid edilib:
“Aprelə nisbətən may ayında avtomobil bazarında canlanma olub. Yay fəslinə doğru getdikcə, avtomobil alanların sayı artır. Bu ilin payızına kimi avtomobil bazarında ciddi qiymət artımı müşahidə etməyəcəyik”.
E.Cəfərovun fikrincə, 2-5%-lik qiymət artımı istehlakçı şirkətlərlə bağlıdır:
“İkinci əl avtomobil bazarında əsas tələb heçbek və sedanlaradır. Onların mühərrik həcmi 1500-dən 2500 kubsantimetrə qədərdir. Bundan əlavə, yeni maşınların bazarında isə tələb krosoverlərədir”.
