Xəbər verildiyi kimi, Prezident İlham Əliyevin sərəncamı ilə Dövlət Mineral Xammal Ehtiyatlarından İstifadə Agentliyinə sədr təyin olunub.
Sərəncama əsasən, sözügedən vəzifəyə Samir Ayət oğlu İdayətov təyinat alıb.
Qeyd edək ki, o bu təyinatadək Ekologiya və Təbii Sərvətlər Nazirliyində Daxili nəzarət və audit şöbəsinin müdiri vəzifəsində çalışıb.
Modern.az saytı ictimai marağı nəzərə alaraq Samir İdayətovun qısa tərcümeyi-halını təqdim edir:
Samir Ayət oğlu İdayətov 10 may 1980-cı il təvəllüdlüdür.
1997-ci ildə Azərbaycan Dövlət İqtisad Universitetinə daxil olub, 2001-2003-cü illərdə həmin Universitetdə magistr dərəcəsinə yiyələnib.
2011-2014-cü illərdə Prezident yanında Dövlət İdarəçilik Akademiyasında İnzibati idarəetmə üzrə əlavə ali təhsil alıb.
2003-2004-cü il tarixlərində hərbi xidmətdə olub.
2002-2017-ci illərdə Kənd Təsərrüfatı Nazirliyində aparıcı məsləhətçi, baş məsləhətçi, sektor müdiri, 2017-ci ildə Dövlət Toxum Fondunda şöbə müdiri, sədr işləyib.
2018-ci ildə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəis müavini, 2020-ci ildə "Azərbaycan Yaşıllaşdırma və Landşaft quruluşu" ASC-də sədr müavini kimi çalışıb.
10.11.2021-ci ildən indiyə kimi Ekologiya və Təbii Sərvətlər Nazirliyi Aparatının Daxili Nəzarət və Audit şöbəsinin müdiri vəzifəsində işləyib.
Ailəlidir, 3 övladı var.
