Azərbaycanın gələn il üçün ehtiyata və ya istefaya buraxılmış hərbçilərin mənzil kirayəsi ilə bağlı xərcləri məlum olub.
Modern.az-ın xəbərinə görə, bu barədə "2023-cü il dövlət büdcəsi haqqında" qanun layihəsində bildirilib.
Qeyd olunub ki, gələn il ehtiyata və ya istefaya buraxılmış hərbçilərə mənzil kirayəsi ilə bağlı xərclərinə 12 709 699 manat vəsaitin ayrılması proqnozlaşdırılır.
Layihədə 2023-cü il üçün dövlət büdcəsinin gəlirləri 30,7 milyard manat proqnozlaşdırılır ki, bu da ölkə tarixinin ən yüksək göstəricisi olmaqla, 2022-ci illə müqayisədə 5,2 faiz, 2021-ci illə müqayisədə isə 16,4 faiz çoxdur.
