“Günay Sığorta” ASC-nin İdarə Heyətinə yeni sədr təyin edilib.
Modern.az xəbər verir ki, yeni sədr bundan əvvəl “Günay Bank” ASC-nin icraçı direktoru vəzifəsində çalışan Hikmət Salmanovdur.
"Günay Sığorta"nın sədri Mahir Niftiyev bu ilin avqust ayında işdən çıxıb. Onun səlahiyyətlərini müvəqqəti şirkətin Nümayəndəlik və filiallarla iş departamentinin direktoru Pərviz Rzayev icra edib.
Xatırladaq ki, "Günay Sığorta" 1992-ci ildə yaradılıb. Onun nizamnamə kapitalı 10,1 milyon manatdır.