Milli Məclisdə “Mikro, kiçik və orta sahibkarlığın inkişafı haqqında” qanun layihəsi müzakirə olunub.
Modern.az xəbər verir ki, qanun layihəsi üçüncü oxunuşda qəbul olunub.
“Mikro, kiçik və orta sahibkarlığın inkişafı haqqında” qanun layihəsi mikro, kiçik və orta sahibkarlığın inkişafı sahəsində münasibətləri tənzimləyir, mikro, kiçik və orta sahibkarlıq subyektlərinə göstərilən dövlət dəstəyinin təşviqinin forma və metodlarını müəyyən edir.
Qanun layihəsi 5 fəsil və 15 maddədən ibarətdir. Qanun layihəsi mikro, kiçik və orta sahibkarlıq subyektlərinə dəstək göstərilməsinin şərtlərini, mikro, kiçik və orta sahibkarlıq subyektlərinə dəstəyin formaları, göstərilməsi qaydası və qiymətləndirilməsi, mikro, kiçik və orta sahibkarlıq subyektlərinə dəstəyin növlərini və bu qanunun pozulmasına görə məsuliyyəti müəyyən edir.
Eyni zamanda “Sahibkarlıq fəaliyyəti haqqında” qanunda dəyişiklik edilməsi barədə layihə üçüncü oxunuşda qəbul olunub.
