Fevralın 23-də Azərbaycan Mərkəzi Bankı (AMB) Dövlət Neft Fondunun (SOFAZ) iştirakı ilə növbəti valyuta hərracı keçirib.
Modern.az-ın AMB-yə istinadən verdiyi məlumata görə, Mərkəzi Bankın məlumatına görə, hərracda tələb 61,6 milyon dollar olub və tam qarşılanıb.
Hərracın yekunlarına əsasən, ortaçəkili məzənnə 1,7 AZN/1 USD təşkil edib. Öncəki hərracda tələb 49,3 milyon dollar olub.
Qeyd edək ki, Mərkəzi Bank valyutanın rəqabətli şəraitdə birtərəfli satışı ilə valyuta hərraclarının keçirilməsinə 2017-ci ilin yanvarından başlayıb. Hərraclar valyutanın rəqabətli şəraitdə birtərəfli satışı formasında keçirilir.
