2022-ci ildə Azərbaycan Mərkəzi Bankı (AMB) milli valyutada 452 ədəd (36 min manat) saxta pul nişanı, xarici valyutada isə 193 ədəd saxtakarlıq əlaməti müəyyən edilmiş pul nişanı aşkarlayaraq tədavüldən çıxarıb və müvafiq tədbirlərin görülməsi üçün hüquq mühafizə orqanlarına təqdim edib.
Modern.az xəbər verir ki, bu barədə AMB-nin illik hesabatında qeyd olunub.
Əhalidə olan yararsız pul nişanlarının ekspertizaya qəbul edilməsi və dəyişdirilməsi məqsədi ilə AMB-nin Bakıda və ərazi idarələrində yaratdığı nağd pul ofisləri fəaliyyətini davam etdirib. İl ərzində əhalidən 7,6 milyon manat (165 min ədəd) pul nişanı qəbul edilərək dəyişdirilib, “səyyar kassa” xidməti vasitəsilə 1,6 milyon manat (7,9 milyon ədəd) metal pul nişanı iri ticarət müəssisələrinə çatdırılıb.
