İstanbulda keçirilən Çempionlar Liqasının finalı Türkiyəyə 200 milyon dollar xarici valyuta axını təmin edib.
Modern.az xəbər verir ki, bunu Türkiyə Futbol Federasiyasının rəhbəri Mehmet Büyükekşi "Sözcü"yə açıqlamasında bildirib.
O, matçın yüksək səviyyədə təşkil edildiyini vurğulayıb. Büyükekşi vurğulayıb ki, belə bir tədbirin keçirilməsi Türkiyənin 2028 və 2032-ci illərdə Avropa çempionatının ev sahibi ölkə kimi namizədliyini qiymətləndirmək üçün “lakmus testi” rolunu oynayıb.
Qeyd edək ki, "Mançester Siti" finalda "İnter"i 1:0 hesabı ilə məğlub edərək klub tarixində ilk dəfə Çempionlar Liqasının qalibi olub.
