Dünya bazarında Azərbaycan neftinin qiyməti qalxıb.
Modern.az xəbər verir ki, “Azeri Light” markalı neftin bir barelinin qiyməti 0,63 dollar artaraq 97,06 dollar olub.
Xatırladaq ki, “Azeri Light” neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.
Azərbaycanın builki dövlət büdcəsində bir barel neftin orta qiyməti 60 ABŞ dollarından hesablanıb.
Dünya birjalarında digər markalardan olan neft də bahalaşıb.
Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,73 dollar artaraq 90,65 dollar olub. Nyu-Yorkun NYMEX (“New York Mercantile Exchange”) birjasında “Light” markalı neftin bir barelinin qiyməti isə 0,64 dollar bahalaşaraq 87,51 dollar təşkil edib.
