“Banklarda SMS məlumatlandırma qiymətlərinin artması haqqında bildirmək istəyirəm ki, banklar sms məlumatlandırma qiymətlərini prosessinq mərkəzlərində alırlar. Prosessinq mərkəzləri isə bu xidmətləri mobil operatorlardan alır”.
Modern.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında Mərkəzi Bankın sədrinin birinci müavini Rəşad Orucov deyib.
“Qeyd etmək istəyirəm ki, son 3 ildə SMS qiymətləndirmə tariflərində 70% artım olub. Banklar bu müddət ərzində sms məlumatlandırma xidmət haqlarını artırmalayıblar, yalnız indi bu artıma gediblər. Sosial kartlarında sms məlumatlandırma üzrə isə xidmət haqqı alınmır. Sosial kartlar dedikdə 2.3 milyondan çox sosial və pensiya kartları nəzərdə tutulur.
Digər məsələ isə bəzi banklar sms məlumatlandırma xidmətlərində imtina ediblər. Belə ki, banklar mobil proqramlar istifadə olunur və məlumatlar online şəkildə ötrülür”,- deyə o bildirib.
