Modern.az

Hansı bölgəmizdə qadın sahibkarlar daha çoxdur? - CƏDVƏL

Hansı bölgəmizdə qadın sahibkarlar daha çoxdur? - CƏDVƏL

19 Yanvar 2024, 15:02

Hazırda Azərbaycandakı fərdi sahibkarların 77,3 faizini kişilər, 22,7 faizini isə qadınlar təşkil edir.
 

Bu barədə Modern.az-ın Dövlət Statistika Komitəsindən əldə etdiyi məlumatda bildirilib.

Qeyd edilib ki, qadınlar “Digər sahələrdə xidmətlərin göstərilməsi” fəaliyyət növündə mövcud sahibkarların ümumi sayının 34,9 faizini, “Kənd təsərrüfatı, meşə təsərrüfatı və balıqçılıq” fəaliyyət  sahəsində 25,3 faizini, “Ticarət; nəqliyyat vasitələrinin təmiri” fəaliyyət sahəsində isə 21,4 faizini təşkil edir.

Sahibkar qadınların 28,8 faizi Bakıda, 10,3 faizi Lənkəran-Astara, 9,6 faizi Qazax-Tovuz, qalanları isə digər iqtisadi rayonlarda qeydiyyatdan keçib.

Fərdi sahibkarların cins tərkibinin regionlar üzrə say bölgüsündən aydın olur ki, Qazax-Tovuz (27,6%), Gəncə-Daşkəsən (25,7%), Naxçıvan Muxtar Respublikası (25,6%),  Bakı (24,5%), Lənkəran-Astara (22,8%) iqtisadi rayonlarında qadın sahibkarların payı ölkə üzrə orta göstəricidən yuxarıdır.


A.Qorxmaz

Telegram
Hadisələri anında izləyin!
Keçid et
Putin geri çəkildi: Azərbaycanla bağlı tapşırıq verdi