"Gürcüstanın iqtisadi artımı 2024-cü ildə yüksək səviyyədə qalacaq".
Modern.az Gürcüstan mətbuatına istinadən xəbər verir ki, bunu ölkənin iqtisadiyyat naziri Levan Davitaşvili bildirib.
"Bizim gözləntilərimiz və proqnozumuz ondan ibarətdir ki, 2024-cü ildə və sonrakı illərdə iqtisadi artım yüksək səviyyədə qalacaq və adambaşına düşən ÜDM 8,6 min dolları keçəcək", - Davitaşvili qeyd edib.
Onun sözlərinə görə, Gürcüstan tranzit rolunu da artırmaqda davam edəcək. Hökumət ölkənin qovşaqlarının infrastrukturunu, nəqliyyat, logistika, rabitə, enerji, texnoloji, təhsil və maliyyə sistemlərini inkişaf etdirməyi planlaşdırır.
