Modern.az

Büdcəyə 13,7 milyon zərər vurulması müəyyən edilib - PALATA

Büdcəyə 13,7 milyon zərər vurulması müəyyən edilib - PALATA

İqtisadiyyat

8 Aprel 2024, 12:03

Hesablama Palatası 2023-cü ildə iş planına əsasən 5 mlrd. 776,0 mln. manat vəsaiti əhatə edən 31 uyğunluq auditi keçirilib.


Modern.az xəbər verir ki, bu barədə “Azərbaycan Respublikası Hesablama Palatasının 2023-cü ildə fəaliyyəti haqqında hesabatı”da qeyd olunub.


Sənədə görə, başa çatdırılmış kənar dövlət maliyyə nəzarəti (KDMN) tədbirləri ilə uyğunluq predmetləri üzrə ümumilikdə 562,5 mln. manat maliyyə pozuntusu aşkarlanıb. Uyğunluq predmetləri üzrə büdcəyə zərər 103,2 mln. manat olduğu hesablanıb. Digər maliyyə pozuntularının həcmi 459,3 mln. manat təşkil edib. Büdcəyə 60,7 mln. manat məbləğində hesablanmış zərərin müvafiq qaydada pul və ya natura şəklində bərpası, eləcə də əvəzləşdirilməsi istiqamətində təkliflər verilib. 28,8 mln. manat məbləğində hesablanmış büdcəyə zərərin əhaliyə sosial xarakterli ödənişlərdən ibarət olması fonunda HP tərəfindən bu məbləğin bərpası istiqamətində tədbir müəyyənləşdirilməyib, bu ödənişlərin bir qisminin dayandırılması barədə qərar verilib.


Büdcəyə zərərin 13,7 mln. manatı üzrə cinayət tərkibinin əlamətlərinin ehtimal olunması ilə əlaqədar müvafiq materiallar hüquq-mühafizə orqanlarına göndərilib.

Youtube
Kanalımıza abunə olmağı unutmayın!
Keçid et
İbrahim Rəisinin öl*mündə sirli məqamlar