2023-cü ildə Azərbaycana xarici borc cəlb edilməyib.
Modern.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin mayın 23-də keçirilən iclasında maliyyə naziri Samir Şərifov deyib.
“Bildirim ki, ötən il xarici borclanma ilə bağlı 750 milyon manat ekvivalentində limit müəyyən edilib. Amma borc alınmayıb. Buna baxmayaraq, ötən il daxili borclanma ilə bağlı limit 1,8 milyard manat müəyyən edilib. Bu vəsaitin 1,7 milyard manatından istifadə olunub", - o qeyd edib.
