Modern.az

Vasif Talıbovun fermer təsərrüfatı ləğv edildi

Vasif Talıbovun fermer təsərrüfatı ləğv edildi

23 May 2024, 17:22

Naxçıvan Muxtar Respublikasında “Kəhrəba Fermer Təsərrüfatı” Məhdud Məsuliyyətli Cəmiyyəti ləğv edilib.

 

Modern.az "iqtisadiyyat.az"a istinadən xəbər verir ki, bununla bağlı müvafiq qərar qəbul olunub.

 

Qərara əsasən, “Kəhrəba Fermer Təsərrüfatı” fəaliyyətini dayandırdığından ləğv edilib.

 

Xatırladaq ki, cəmi 6 il fəaliyyət göstərən “Kəhrəba Fermer Təsərrüfatı” muxtar respublikanın Ali Məclisinin o zamankı sədri Vasif Talıbovun zamanında yaradılıb.

 

Babək rayonunun Şıxmahmud kəndində yerləşən “Kəhrəba” təsərrüfat üçün 26,2 hektar əkinəyararlı torpaq sahəsinə malikdir. Təsərrüfatın əkin sahəsində tütün, kartof, sarımsaq, taxıl, eyni zamanda, digər tərəvəz və bostan bitkiləri yetişdirilir. Əsasən, yerli toxum sortlarının yetişdirilməsinə üstünlük verilir. Burada Naxçıvan Dövlət Universitetinin Torpaqşünaslıq və Aqrokimya İxtisasının tələbələri də ənənəvi olaraq təcrübə keçiblər.

 

Fermer təsərrüfatının qanuni təmsilçisi isə Əməkdar kənd təsərrüfatı işçisi Rahət Hacıyevdir.

Youtube
Kanalımıza abunə olmağı unutmayın!
Keçid et
Çəkiliş qrupumuz Kəlbəcərdə çətin anlar yaşadı