2024-cü ilin sonundan etibarən xam neftin emal həcmi ildə 13 milyon tona çatdırılıb.
Modern.az-ın məlumatına görə, bunu SOCAR-ın Türkiyədəki törəməsi olan “SOCAR Türkiye” şirkətinin baş icraçı direktoru vəzifəsini icra edən Elçin İbadov bildirib.
"Neft emalını ən azı 2,5 faiz artırmışıq. Emal həcmi 13 milyon ton olub”,- o qeyd edib.
Elçin İbadov deyib ki, “SOCAR Türkiye” öz strateji hədəflərinə doğru əmin addımlarla irəliləyir:
“Yüksək səviyyəli inteqrasiya olunmuş emal və neft-kimya şirkəti olmaq, təbii qaz və elektrik təchizatında fasiləsiz və səmərəli xidməti təmin etmək,korporativ dəyərimizi artırmaq, dəyər yaratmağa davam etmək, dayanqlılıq və gələcəyin enerjisi ilə böyümək gələcək 5 ildə əsas strateji hədəflərimiz olacaq”.
