2024-cü ildə Azərbaycanın cəmi xarici ticarət dövriyyəsi 47 milyard 612 milyon 101 min dollar olub.
Bu barədə Modern.az Dövlət Gömrük Komitəsinin aylıq hesabatına istinadən xəbər verir.
O cümlədən, 2024-cü ildə Azərbaycanın ixracı 26 milyard 554 milyon 56 min dollar, idxalı isə 21 milyard 58 milyon 44 min dollar olub. Saldo müsbət 5 milyard 496 milyon 12 min dollar təşkil edib. Bu da bir il əvvəllə müqayisədə 3 dəfə azdır. Son 1 ildə ixrac 21,7 % azalıb, idxal isə 21,8 % artıb.
Xatırladaq ki, 2023-cü ildə Azərbaycanın cəmi xarici ticarət əməliyyatlarının həcmi 51 milyard 183 milyon 900 min ABŞ dolları o cümlədən, ixracı 33 milyard 898 milyon 554 min ABŞ dolları, idxalı 17 milyard 285 milyon 345 min ABŞ dolları, saldo 16 milyard 613 milyon 210 min ABŞ dollar təşkil etmişdi.
