"Elegant Khisht Global Group" şirkətinin gələcək proqramı açıqlanıb.
Bu barədə Modern.az-a şirkətin qanuni təmsilçisi, baş direktor Rasim Nəbizadə məlumat verib.
O bildirib ki, "Elegant Khisht Global Group" şirkəti beynəlxalq şirkətdir.
"Şirkət olaraq son iqtisadi iş gedişatı xarici investorlar üzərindən BƏƏ-nin Dubay şəhərində olan iş görüşmələrinin təəssüratlarını bildirmək istəyirəm. Dubayda olan böyük investor, inşaat sektorunda fəaliyyət göstərən iş adamları, xarici iqtisadi əlaqələrimizin daha da inkişafı üçün Dubayda olan ticarət sektorunun hazırkı vəziyyətini və ölkəyə hansı üst səviyyədə daxil olmasının araşdırılması üçün səfər edib iş görüşməsi təşkil etdik".
Baş direktorun məlumatına görə, səfər zamanı Dubayda Azərbaycan iqtisadiyyatına olan maraq, eləcə də oradakı inşaat, əmlak sektorunun ölkəyə cəlb edilməsi imkanları, əmlak sektorunun hansı xüsusiyyətlərə malik olması və inteqrasiyası araşdırılıb.
"Bizim üçün ən böyük maraq kəsb edən sahələrin - böyük inşaat sektorunun və iqtisadi inkişafın şahidi olduq. Stabil iqtisadiyyatın böhran olmadan fəaliyyət göstərməsini, azad iqtisadi zona olaraq sahibkarlara çox yüksək iş şəraitinin yaradılmasının şahidi olduq. Biz bir çox nümunələrin ölkə iqtisadiyyatına daxil olmasının marağındayıq. Bunları bildirməkdə məqsədim odur ki, əmlak sektorunda mənzillərin, yaşayış massivlərinin Azərbaycanla müqayisədə daha səmərəli, daha yüksək gəlir gətirən xüsusiyyətinin olmasını gördük. Azərbaycandan fərqli olaraq orada hər hansı bir əmlakın dəyərinə görə gəlirliliyi bizim əmlak bazarı ilə müqayisədə daha üstün, daha məqsədəuyğundur. Bu da Dubaya iş adamlarının, investorların, əmlak biznesi ilə məşğul olan sahibkarların axınına səbəb olur. Orada böyük gəlir gətirən, iqtisadi potensialı daha yüksək olan müəyyən layihələrin satışının Azərbaycanda olan iş adamlarına təklif olunmasını qarşımıza məqsəd qoymuşuq. Bu bizim yanvar ayında səfərimiz zamanı qarşılaşdığımız bir durumdur. Çox gözəl təkliflərlə Azərbaycana gəlmişik. Həmin təklifləri Azərbaycanda, Bakıda olan sahibkarlara, inşaat sahəsində fəaliyyət göstərən memarlara və əmlak biznesi ilə məşğul olan şəxslərin hər birinə tövsiyə edirik. Ən böyük üstünlük ondan ibarətdir ki, Dubayın əmlak bazarının iqtisadi zona olaraq vergidən azad olmasıdır. Çox gözəl şəhər infrastrukturu, şəhər layihələnməsinin şahidi olduq. Bununla da Dubay dünyanın hər yerindən dinindən, irqindən, milliyyətindən asılı olmayaraq hər kəs üçün böyük iqtisadi mərkəz statusu qazanıb. Biz də orada olan iqtisadi mühiti görüb ortaq şirkət yaratmışıq".
Şirkətin həmtəsisçisi aybaan, günbəgün "Elegant Khisht Global Group"un fəaliyyətini genişləndirdiklərini deyib:
"Bu bizim əmlak sektoruna aid olan sferamızdır. Ancaq dəfələrlə elan etdiyimiz kimi, 4 sahə üzrə fəaliyyət göstəririk. Əmlak sektoru, investisiya, ticarət və turizmlə bağlı fəaliyyətlərimiz var. Bu 4 sahənin hər biri bizim şirkətdə zaman-zaman inkişaf edir, daha irəli gedir. Dünya təcrübəsindən istifadə edərək, dünya ölkələrində olan turizm sektorunun təcrübələrindən istifadə edərək ticarət sahəsində, turizm üzrə fəaliyyətimizi daha da genişləndiririk. Biz yaxın zamanlarda investisiya layihələrinə, iş mərkəzlərinin yaranmasına imza atacağıq. Həmçinin ticarət fəaliyyətimizi daha da genişləndirəcəyik. Dubayda olan ticarət sektorunun daha mükəmməl, daha səmərəli qiymətlərlə istehlak mallarının, ərzaq məhsullarının, texniki malların ölkəyə gətirilməsində vasitəçilik hədəfini ortaya qoymuşuq. Bunların hər biri bizim şirkətin öndə olan proqramıdır. Gələcək proqramıdır. Turizm sektoru üzrə çalışmalarımız davam edir. Hazırda ilin əvvəlidir. Vətəndaşlarımız gözəl bilir ki, yaz mövsümünün başlanması ilə turizm daha da vüsət alacaq. Dubayda olan insanların, iş adamlarının cəlb edilməsi üçün Azərbaycanın dilbər guşələrində daha yaxşı istirahət məkanlarının olmasını nəzərə alaraq təkliflər hazırlayırıq. Turizm sektorunda müəyyən bölgələrdə fəaliyyətin görülməsini istəyirik. Bunlar hər biri ən öndə olan proqramlarımızdan biridir".
