Türkiyə Ermənistanla Azərbaycan arasında gərginliyin tezliklə aradan qaldırılmasını və yekun sülhün bərqərar olmasını çox vacib hesab edir.
Modern.az xəbər verir ki, bunu CNNtürk telekanalına müsahibəsində regional kommunikasiyalar, o cümlədən “Zəngəzur dəhlizi” ilə bağlı məsələlərə toxunan Türkiyənin nəqliyyat naziri Əbdülkadir Uraloğlu deyib.
“Ermənistan və Azərbaycan bu yolu müzakirə edir. İran da alternativdir. İstənilən halda bu dəhliz hansısa ərazidən keçəcək. Ermənistan və ya İran ərazisindən keçməsindən asılı olmayaraq, azərbaycanlı qardaşlarımız prosesi diqqətlə izləyirlər. Biz də prosesi izləyirik”, - Uraloğlu qeyd edib.
