Reklam insanları hər hansı bir məhsul, xidmət ihaqqında məlumatlandırma vasitəsidir.
Reklam qəzet, sayt, radio, bilbord və s. kimi vasitələrlə ötürülə bilər. Bir qayda olaraq reklam məhsulun və ya xidmətin adı və bu məhsul və ya xidmətin alıcıya necə faydalı olacağı barədə məlumatları özündə saxlayır.
Azərbaycanda açıq məkanda reklam daşıyıcılarının yerləşdirilməsi, onlar üzərindəki reklamların hazırlanması və yayımlanması sahəsində vahid tənzimləməni və nəzarəti həyata keçirən qurum Azərbaycan Dövlət Reklam Agentliyidir (ADRA)
Ötən il ölkəmizdə neçə qanunsuz reklamın qarşısı alınıb?
Mövzu ilə bağlı Modern.az-ın sorğusuna cavab olaraq ADRA-dan bildirilib ki, 2024-cü ildə açıq məkanda ümumilikdə qanunvericiliyin tələblərinə cavab verməyən 24 000-ə yaxın reklamın yayımı dayandırılıb ki, onlardan 99-nu tarixi binaların üzərindəki reklamlar təşkil edib.
