“Bakı Metropoliteni” QSC qatar maşinisti peşəsi üzrə kişi və qadın namizədlərin növbəti seçimini elan edib
Bu barədə Modern.az-a Bakı Metropoliteninin Mətbuat xidmətindən bildirilib.
Namizədə dair tələblər sırasına 22-30 arası yaş, ali texniki, orta texniki və ilk peşə ixtisaslı olmaq, hərbi bilet (kişilər üçün) daxildir.
İlkin seçim müsahibə və psixoloji testlər vasitəsilə aparılacaq.
Uyğun namizədlər zəruri tibbi yoxlamalardan keçiriləcək.
Bütün tələblərə cavab verən namizədlər 6-7 ay davam edən nəzəri və praktik tədris prosesinə cəlb olunacaqlar.
Qeydiyyat üçün Bakı metropoliteninin “metro.gov.az”- rəsmi internet saytının “Karyera” bölməsinə daxil olaraq, “Elektron ərizə” yarımbölməsindəki anket formasını doldurmaq lazımdır.
Ərizə formasında “işləmək istədiyiniz işin adı” xanasına “maşinist” qeydinin yazılması mütləqdir.
Müraciətlərin qəbulu 15 - 30 aprel 2025-ci il aralığında aparılacaq.
