2025-ci ilin yanvar-aprel aylarında Azərbaycana idxal olunan avtomobillərin sayı və dəyərində artım qeydə alınıb.

Modern.az xəbər verir ki, 4 ay ərzində ölkəyə ümumilikdə 33 767 ədəd avtomobil gətirilib. Bu avtomobillərin ümumi statistik dəyəri 616,1 milyon dollar təşkil edib.

İdxalın əsas hissəsini minik avtomobilləri təşkil edib. Dövlət Gömrük Komitəsinin məlumatına görə, ölkəyə 30 814 ədəd minik avtomobili və digər nəqliyyat vasitələri gətirilib. Bu avtomobillərin ümumi dəyəri 551,2 milyon dollar olub.

Hesabat dövründə  5 968 ədəd hibrid avtomobil (elektrik və daxili yanma mühərriki ilə işləyənlər) idxal olunub – 117 milyon dollar dəyərində;

170,9 milyon dollar dəyərində 8 368 ədəd plug-in hibrid avtomobil (xaricdən şarj edilən hibridlər) idxal edilib.

20,4 milyon dollar dəyərində 609 ədəd tam elektrik avtomobili gətirilib

4 ay ərzində ölkəyə 2 613 ədəd yük avtomobili idxal olunub. Onların statistik dəyəri 33,3 milyon dollar təşkil edib. Bu avtomobillər əsasən logistik və sənaye sahələrində istifadə olunur.

Bundan əlavə, 185 ədəd xüsusi təyinatlı nəqliyyat vasitəsi də idxal olunub. Bu nəqliyyat vasitələrinin ümumi dəyəri 19,1 milyon dollar təşkil edib.