Sentyabrın 12-dən oktyabrın 27-nə kimi Bakı-Sumqayıt marşrutu üzrə hərəkət edən elektrik qatarları 75 min sərnişinə xidmət göstərib.
Bu haqda Modern.az saytına “Azərbaycan Dəmir Yolları” Qapalı Səhmdar Cəmiyyəti Mətbuat Katibliyinin rəisi Nadir Əzməmmədov məlumat verib.
O qeyd edib ki, “Stadler Rail Group” şirkətinin istehsalı olan KİSS markalı ikimərtəbəli elektrik qatarlarından istifadə edən sərnişinlərin sayı artmaqdadır:“Sentyabrın 12-dən oktyabrın 27-nə kimi Bakı-Sumqayıt-Bakı marşrutu ilə ikimərtəbəli elektrik qatarları 74 059 nəfər sərnişinə xidmət göstərib.
Belə ki, Bakı sərnişin stansiyasından standart vaqonlara 39 232, biznes sinfinə aid olan vaqonlara 1 439, Sumqayıt stansiyasından standart vaqonlara 32 473, biznes sinfinə aid olan vaqonlara isə 915 bilet satılıb”.
Gülşən RAUFQIZI
