Rusiyada keçirilən futbol üzrə dünya çempionatında 1/4 finalın üçüncü oyunu keçirilib. Modern.az xəbər verir ki, "Samara” Arenada baş tutan qarşılaşmada İngiltərə və İsveç komandaları üz-üzə gəlib.
Qarşılaşmada daha üstün olan ingilislər 31-ci dəqiqədə hesabı açıb. Mequayr dəqiq baş zərbəsi ilə komandasını önə çıxarıb.
Dele Alli 59-cu dəqiqədə hesabı İngiltərənin xeyrinə 2:0 edib. Oyun elə bu hesabla da yekunlaşıb.
Beləliklə İsveçə 2:0 hesabı ilə qalib gələn İngiltətə növbəti yarımfinalçı olub.
İngiltərənin yarımfinalda rəqibi isə bu gün axşam keçiriləcək Xorvatiya Rusiya oyunundan sonra müəyyənləşəcək.
