Moskvada yaşayan azərbaycanlı ekstrasens Zirəddin Rzayevin Rusiya-Ukrayna müharibəsilə bağlı ilə verdiyi proqnoz özünü doğrultmayıb.
Modern.az xatırladır ki, bir müddət öncə astroloq Səbuhi Rəhimlinin Youtube kanalına müsahibə verən Z.Rzayev bildirmişdi ki, müharibənin bitməsinə az qalıb:
“Bu müharibə uzun çəkməyəcək. Amma bu konflikt uzun müddət davam edəcək. Gərginlik az müddətdə aradan qalxmalıdır. Müharibənin bitməsinə az qalıb”.
Ekstrasens savaşın 24-cü gününün mühüm olması barədə belə bir mesaj da vermişdi:
“Bu müharibə 1 aydan çox çəkməməlidir. Az vaxt ərzində aradan qalxmalıdır. Müharibənin 24-cü günü mənim üçün çox maraqlıdır. Bunun səbəbi var. İnşallah biləcəksiniz”.
Zirəddin Rzayevin proqnozlarının əksinə olaraq, artıq 33 gündür davam edən Rusiya-Ukrayna müharibəsi nəinki dayanmayıb, hətta daha da qanlı miqyas alıb.
Savaşın 24-cü gününə gəldikdə isə Zirəddin Rzayevin gözlədiyi heç bir qeyri-adi hadisə yaşanmadı...
Bir sözlə, əvvəllər də bir sıra proqnozları ilə “özünü yandıran” azərbaycanlı ekstrasens növbəti dəfə insanları aldatdı.
A.Qorxmaz
