Xalq artisti Aftandil İsrafilovun dəfn yeri dəyişdirilib.
Mədəniyyət Nazirliyindən Modern.az-a verilən məlumata görə, o, II Fəxri xiyabanda dəfn ediləcək:
"Tanınmış qarmon ifaçısı, Xalq artisti, “Şöhrət” ordenli Aftandil İsrafilov ilə 30 aprel tarixində saat 11:00-da Heydər Məscidində vida mərasimi keçiriləcək. Mərhum sabah saat 12:00-da II Fəxri xiyabanda dəfn olunacaq".
***
14:42
Aftandil İsrafilovun dəfn vaxtı dəyişib.
Modern.az xəbər verir ki, bu barədə Mədəniyyət Nazirliyindən məlumat verilib.
Bildirilir ki, sabah saat 11:00-da Heydər Məscidində tanınmış qarmon ifaçısı ilə vida mərasimi olacaq. Daha sonra mərhum saat 12:00-da "Qurd qapısı" qəbiristanlığında dəfn olunacaq.
***
14:29
Xalq artisti, "Şöhrət" ordenli qarmon ifaçısı Aftandil İsrafilov "Qurd qapısı" qəbiristanlığında dəfn ediləcək.
Modern.az xəbər verir ki, bu barədə APA-ya sənətçinin yaxınları məlumat verib.
Qeyd olunub ki, dəfn bu gün saat 16:00 üçün nəzərdə tutulub.
Xatırladaq ki, uzun müddətdir, kəskin plevritdən əziyyət çəkən Aftandil İsrafilov bu gün vəfat edib.
