Britaniyalı aktyor Darren Kent uzun sürən xəstəlikdən sonra 37 yaşında vəfat edib.
Modern.az xəbər verir ki, bu barədə onun birlikdə işlədiyi "Carey Dodd Associates" şirkəti X platformasında məlumat verib.
Məlumata görə, Kent avqustun 11-də ailəsinin əhatəsində dünyasını dəyişib. "The Hollywood Reporter" jurnalı aktyorun osteoporoz, artrit və nadir rastlanan dəri xəstəliyindən əziyyət çəkdiyini yazıb.
Darren Kent 30-dan çox rolun ifaçısı olub. O, daha çox “Game of Thrones” serialının dördüncü mövsümündəki rolu ilə tanınırdı. O, həmçinin "The Incident" (2011), "Les Misérables" (2018), "Jeepers Creepers Reborn" (2021), "Dungeons & Dragons: Honor Among Thieves" (2023) filmlərində rol alıb.
