Modern.az

Bu il Qədr gecələri nə vaxta düşür? - TƏQVİM

Bu il Qədr gecələri nə vaxta düşür? - TƏQVİM

Mədəni̇yyət

28 Mart 2024, 09:20

Ramazanda ən çox verilən suallardan biri də Qədr gecəsi ilə bağlıdır. Əksər İslam alimləri Qədr gecəsinin Ramazanın son 10 gününə təsadüf etdiyini vurğulayırlar. Bu Gecənin fəziləti haqqında Qurani-Kərimin “Qədr” surəsində ətraflı bəhs edilir. Hətta bu gecənin Allah qatında min aydan xeyirli olduğu vurğulanır.
 

Məhəmməd Peyğəmbər (s) buyurub: "Qədr gecəsini Ramazanın son on gecəsinin tək gecələrində - ayın axırına doqquz, yaxud yeddi, yaxud da beş (gecə) qalmış axtarın".

Qədr gecələrində müsəlmanların ayıq-sayıq qalıb ibadət etdiklərinə görə bu gecələrə həm də “əhya gecələri” deyilir. Qeyd edək ki, “əhya” – ərəb dilində oyaq, diri qalmaq mənasını daşıyır.

Peyğəmbər (s) həmin gecənin dəqiq vaxtını bizə söyləməyib. Bunda məqsəd yəqin ki, daha çox əhya saxlamaq və Allaha ibadət etməkdir. 

Xatırladaq ki, bu il Orucluq martın 11-də başlayıb.

Qədr gecəsi Allahın kitabının - Quranın nazil olduğu gecədir. 

Modern.az-ın məlumatına görə, Qafqaz Müsəlmanları İdarəsinin bu il üçün tərtib etdiyi Ramazan təqviminə görə, Qədr gecələri martın 28-nə, 30-na, aprelin 1-nə və 5-nə düşür.

Aprelin 10-u və 11-i Fitr bayramıdır.

Youtube
Kanalımıza abunə olmağı unutmayın!
Keçid et
ŞOK VİDEO! Rusiya sülhməramlıları yenidən Qarabağa qayıtdı?