Azərbaycanın tanınmış şoumeni Murad Dadaşovun hazırladığı "Maşın" realiti-şousu yenidən ekranlara qayıdır. Şounun təşkilatçıları bu dəfə də ekrana möhtəşəm proqramla çıxacaqlarını bəyan ediblər. Şou 14 dekabr tarixində saat 23:00-da ATV telekanalında yayımlanmağa başlayacaq.
Təşkilatçılar budəfəki iştirakçıları hələlik sirr kimi saxlayırlar.
Modern.az saytı xəbər verir ki, bu arada "Maşın" realiti-şousunun rəhbərliyi Azərbaycan teleməkanında yayımlanan digər şoulara sataşaraq, onları məsxərəyə qoymağı da unutmayıb.
”Dünya ölkələrində realiti-şoular çox olur. Azərbaycana ilk realiti-şounu “Maşın şou” gətirib. Bizdən sonra “realiti” adlanan şoular hamısı sünidir!”-deyə "Maşın" realiti-şousunun təşkilatçıları bu qəbildən olan digər verilişləri ələ salıblar.
A.Qorxmaz
