Əməkdar artist Elnarə Abdullayevanın 4 milyon manat dəyərində villasının olduğu ilə bağlı məlumat yayılıb. 

Modern.az xəbər verir ki, "qaynarinfo" məlumatı dəqiqləşdirmək üçün xanəndənin ailəsi ilə əlaqə saxlayıb. 

Elnarə Abdullayevanın həyat yoldaşı Elxan bəy deyilənlərin yalan olduğunu bildirib:

"Allah eləsin, deyilənlər həqiqət olsun. Belə məlumatı yayanların da Allah köməkləri olsun. Amma belə bir evimiz yoxdur. Kimsə bizə belə bir ev arzu edirsə, Allah onun köməyi olsun". 

***

10:38

Əməkdar artist Elnarə Abdullayeva 4 milyon manat dəyərində villası olduğunu açıqlayıb.

Modern.az-ın məlumatına görə, sənətçi bu haqda ARB-nin efirində “Həmin Zaur” verilişində olarkən bildirib.

Zaur proqramda qonaq olan Xalq artisti Zabit Nəbizadəyə “Elnarə sizin evinizin yanında villa tikdirib, xəbəriniz var? 4 milyon manat o evə pul sayıb. Bunu isə o alının təri ilə edib” sözlərini deyib.

Ardınca aparıcı “Amma deyəsən sizə villanın tikilməsində köməklik ediblər. Oranın tikilməsində sizə sement, daş, qum veriblər” sözlərinə E.Abdullayeva sərt cavab verib:

“Kim kömək edib? Mənə sement veriblər? Hərə bir işi görsəydi, bəxtəvər olardım”. (olay.az)