ABŞ-da keçirilən 5 noyabr seçkilərinin lideri Donlad Tramp hələ 2013-cü ildə azərbaycanlı iş adamı və müğənni Emin Ağalarovun klipində çəkilib.

Modern.az saytı xəbər verir ki, həmin il müəlliflik hüquqları Donald Trampa məxsus olan Dünya Gözəllik yarışı (Miss Universe 2013) Moskva yaxınlığındakı Krasnoqorsk şəhərində keçirilmişdi.

Yarışın keçirildiyi məkan kimi isə Emin Ağalaraovun atası Araz Ağalarova məxsus “Crocus City Hall” seçilmişdi.

Gözəllik müsabiqəsinin keçirilməsində təşkilati dəstək göstərməklə yanaşı, Emin Ağalarov özünün “İn Another Life” (“Başqa həyatda”) klipinin çəkilişlərində yarışa qatılmış dünya gözəllərini və hətta milyarder Donald Trampın şəxsən iştirakını təmin edə bilmişdi.

“İn Another Life” klipində ssenariyə uyğun olaraq şirkətin iclasında xəyallar aləminə dalmış müğənni dünya gözəllərinin çevrəsində təsvir edilir.

Klipin sonunda isə xəyallar aləmindən ayılan Emin iclasda olduğunu anlayır və məhz bu məqamda Donald Tramp meydana çıxır. Ssenariyə görə, şirkətin prezidenti olan Tramp “Emin ayıl, sənə nə olub?!” deyə onun iclas vaxtı fikrinin başqa yerdə olmasına acıqlanır və öz məşhur “Sən qovuldun!” (“You are fired!”) ifadəsini işlədərək, müğənnini “cəzalandırır”.

Məhz bu məqamda klip sona çatır. 

Modern.az “İn Another Life” klipi təqdim edir.