Tanınmış filosof, tənqidçi, ədəbiyyatşünas, tərcüməçi, 1989-cu ildən Azərbaycan Yazıçılar Birliyinin üzvü Niyazi Mehdinin xəstəxana xərclərini ödəmək üçün ailəsi bankdan kredit götürüb. Bu barədə həyat yoldaşı Dilarə Mehdi məlumat verib. 

Bəs Azərbaycan Yazıçılar Birliyindən ona baş çəkən olubmu?

Məsələ ilə bağlı Modern.az-a danışan Azərbaycan Yazıçılar Birliyinin mətbuat katibi Xəyal Rza bunları deyib:

"Müraciət etməyiblər. Müraciət etsələr də, Yazıçılar Birliyinin heç bir imkanı yoxdur. Yazıçılar Birliyinin imkanı ondan ibarətdir ki, Anar müəllim humanistlik göstərib hər hansı xəstə müraciət edəndə kiçik maliyyə yardımı ayrıla və ya səhiyyə təşkilatlarına zəng vurula bilir. Elə məsələlər var ki, ödəniş və çətin məqamların həllini tələb edir, biz də heç bir addım ata bilmirik. Bu yaxınlarda bizim üzvlərimizdən biri, dəyərli alimimiz koma vəziyyətində idi, günlük ödəniş eləydi ki, bunu edə, zəng vura bilmirdik. Dövlət müəssisələri olduqda zəng vurmaq olur. Bu halda xahiş edirik ki, yaxşı baxılsın və intensiv müalicə olunsun. Bizdən xəstəxanaya zəng olmayıb, məncə bizə müraciət etməyiblər. Bu məlumat hələ təzə çıxıb. Yəqin ki, bir zəng etmə olacaq".