Mayın 9-da Bakının Xətai rayonunda yerləşən 128 yaşlı tarixi binanın sökülməsinə dair iddia yayılıb.
Modern.az-ın sorğusuna cavab olaraq Mədəni İrsin Qorunması, İnkişafı və Bərpası üzrə Dövlət Xidmətindən bildirilib ki, bu ünvanda yerləşən bina dövlət mühafizəsində olan tarixi abidələrin siyahısında olmayıb.
Qeyd edək ki, Ələddin Quliyev və 8-ci Zavod küçələrinin kəsişməsində yerləşən ikimərtəbəli bina 1895-1897-ci illərdə məşhur polyak memar Kazimir Skureviçin layihəsi əsasında tikilib.
