Modern.az saytının məlumatına görə, tanınmış jurnalist Eynulla Fətullayev sentyabrın 26-da evlənib. Jurnalistin toyu “Monte Kristo” şadlıq sarayında olub. Onun evləndiyi Nigar adlı xanım həkimdir. Toyda 200 nəfərədək qonaq iştirak edib. Onların arasında siyasətçilər, jurnalistlər, QHT rəhbərləri də olub.
1976-cı ildə Bakıda anadan olan Eynulla Fətullayev 2005-ci ildə “Realnı Azerbaydjan”, “Gündəlik Azərbaycan” qəzetlərini təsis edib. Eynulla Fətullayev 2007-ci ildən 2011-ci il mayın 26-dək həbsdə olub. Bu il mayın 26-da həbsdən azad olunub.
Həbsdən çıxandan sonra “İnsan Haqları Uğrunda” İctimai Hərəkat təsis edib.
(Foto "Yeni Müsavat"ındır)
