Müsavat başqanı İsa Qəmbərin oğlu, Minval.az saytının baş redaktoru İlkin Qəmbər NİDA hərəkatının üzvülərindən olan Püstə Məmmədova ilə münasibətlərini rəsmiləşdirmək qərarına gəlib. Modern.az-a daxil olan məlumata görə, Müsavat başqanının oğlunun bu gün adı çəkilən xanımla nişan mərasimi keçirilib. Baş tutan mərasimdə hər iki tərəfin qohumları iştirak ediblər.
Məclisdə iştirak edənlər Müsavat başqanına və onun yeni qohumlarına xeyir dua veriblər.
Qeyd edək ki, Püstə Məmmədovanın validenyləri əslən Qərbi Azərbaycan bölgəsindəndir. Püstə Məmmədova ali təhsilini Avropada alıb.
Modern.az
