Əmək və Əhalinin Sosial Müdafiəsi Nazirliyi görkəmli dövlət xadimi Heydər Əliyevin 90 illik yubileyi münasibəti ilə jurnalistlər arasında yazı müsabiqəsi elan edib.
Müsabiqənin mövzusu “Ümummilli lider Heydər Əliyev və Azərbaycan əhalisinin sosial müdafiəsi” adlanır.
Nazirliyin İctimaiyyətlə əlaqələr şöbəsindən Modern.az-a bildirilib ki, müsabiqədə yazılı və elektron KİV nümayəndələri iştirak edə bilər.
Müsabiqəyə təqdim ediləcək yazılar 01-21 aprel tarixində yazarın təmsil etdiyi KİV-də nəşr edilməlidir.
Müsabiqəyə təqdim ediləcək yazılar araşdırma xarakterli olmalıdır.
Əvvəllər dərc olunmuş yazıların təkrar olaraq müsabiqəyə təqdim edilməsi qəbul edilməzdir.
Yazıların həcmi 11 min işarədən az olmamalıdır.
Müsabiqəyə təqdim ediləcək yazı Heydər Əliyevin 90 illik yubileyi münasibəti ilə Əmək və Əhalinin Sosial Müdafiəsi Nazirliyi tərəfindən elan edilmiş yazı müsabiqəsinə təqdim edilmək üçün hazırlandığı göstərilməlidir.
Yazılar elektron variantla yanaşı, dərc olunmuş nüsxədə 22-30 aprel 2013-cü il tarixlərində Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsində (Salatın Əsgərova 85, 4-cü mərtəbə) qəbul ediləcək.
Müsabiqənin mükafatlandırma fondu:
1000 manat olmaqla I yer
700 manat olmaqla II yer
500 manat olmaqla III yer
Hər biri 200 manat olmaqla həvəsləndirici mükafat - 5 ədəd
Qaliblər 01 – 10 may tarixlərində Bakı şəhərində, Əmək və Əhalinin Sosial Müdafiəsi Nazirliyinin inzibati binasında elan olunacaqlar.
