Nazpəri Dostəliyevanın həmkarı İlhamə Quliyev ailə qalmaqalından sonra indi də onun çıxışına televiziyalardan qadağa gəlməsi barədə məlumatlar yayılır. Belə ki, artıq bir neçə gündür ki, xalq artisti Nazpəri Dostəliyevanın AzTV, “Space”, “Lider” telekanallarına çəkilişlərə və efirə buraxılmadığı haqqında xəbərlər səngimək bilmir.
Yeri gəlmişkən, bu gün İlhamə Quliyeva Nazpəri Dostəliyeva tərəfindən ictimai şəkildə şərəf və ləyaqətinin alçaldılmasını və işgüzar nüfuzuna xələl gətirməsini əsas gətirərək qaldırdığı iddia üzrə Bakı Şəhəri Nəsimi Rayon Məhkəməsinə yenidən müraciət edib.
İ. Quliyevanın vəkili Şəfiqə Nağıyeva APA-ya açıqlamasında müştərisinin imzaladığı ərizənin məhkəməyə bu gün təqdim olunduğunu açıqlayıb : “Bir neçə gün öncə mətbuatda ərizə ilə bağlı yanlış məlumat gedib. Mən onlara ərizənin İlhamə xanım tərəfindən imzalandığını söylədiyim halda onlar ərizənin məhkəməyə təqdim olunduğu haqda məlumat yayıblar. Ərizə məhkəməyə bu gün təqdim olunub”.
Qeyd edək ki, İ. Quliyevanın Daxili İşlər Nazirliyinə ünvanladığı, daha sonra Baş Mütəşəkkil Cinayətkarlıqla Mübarizə İdarəsində göndərdiyi şikayət ərizəsi Yasamal Rayon Məhkəməsində tutarlı yazılmaması əsas gətirilərək qəbul edilməmişdi.
Aytən Əliyeva
